Thursday, June 23, 2011

துரோகம்




இந்த கூர்வாள் நண்பர்களுக்கானது.
துரோகத்தால் முதுகில் கிழிக்க
பிரத்யேகமாய் வடிவமைத்தோம்

நாங்கள் சேர்ந்து, சேர்ந்து விளையாடினோம்
துரோகத்தின் ஒவ்வொரு பாடத்தையும்
செயல்முறை விளக்கமாய்
செய்து, செய்து பார்த்தோம்

ஒவ்வொரு முதுகாய் தேடித் தேடி குத்தினோம்
உதிரம் தெறிக்க கொலையாகுபவர்கள்
பதறிச் சரிவதை நிதானமாய் ரசித்தோம்

"ஒருநாள் எங்களுக்குள்ளான
பரஸ்பர நம்பிக்கை
பொய்க்கும் போது
எங்களை நாங்களே
குத்திக் கொல்வோம்"
....
...
...
...
என ஆவலாய் காத்திருக்கும்
உங்கள் முதுகு தான்
எங்களின் அடுத்த இலக்கு !

No comments:

Post a Comment

தங்கள் வருகைக்கும், கருத்துக்கும் மிக்க நன்றி.